Yn ein Tŷ Cymorth Dementia gallwn gefnogi hyd at 13 o bobl gyda phedwar gofalwr ar ddyletswydd yn y bore a phedwar yn y prynhawn. Yn ystod y nos, cefnogir ein preswylwyr gan Arweinydd Shifftiau a dau ofalwr.

Gall ein hardal nyrsio gefnogi hyd at 20 o bobl dan reolaeth Nyrs Gofrestredig sy’n arwain tîm o bump staff gofal yn y bore, pedwar yn y prynhawn a dau yn ystod y nos.

Mae’r rhan fwyaf o’n staff gofal wedi cwblhau, neu’n gweithio tuag at, NVQ/QCF mewn Iechyd a Gofal Cymdeithasol.  Mae gennym hefyd ddau Is-Reolwr Clinigol sydd ar gael i oruchwylio a sicrhau bod y staff yn darparu gofal diogel ac effeithiol. Mae system galw nyrs 24 awr wedi’i gosod yn ystafelloedd ein holl breswylwyr.

Mae gennym ddau Gydlynydd Gweithgareddau sy’n trefnu amrywiaeth o weithgareddau yn ogystal â thripiau i ardaloedd cyfagos, i gynnal iechyd a lles ein preswylwyr.

Cofiwch y bydd lefel y gofal y bydd pob person yn ei dderbyn yn dibynnu ar anghenion yr unigolyn. Mae hyn yn cael ei fonitro a’i adolygu’n barhaus i sicrhau bod pob person yn derbyn y lefel iawn o ofal. Gallwn weithiau addasu lefel y staffio mewn gwahanol rannau o’r Cartref i gwrdd â lefel y gofal sydd ei angen ar breswylwyr ar adegau neilltuol.